الشبكة نيوز : أمينة خليل: نيللي في لام شمسية أم حنونة حمولة لذلك لم تفرق بين أولادها

تحدثت النجمة أمينة خليل، عن تفاصيل شخصيتها في مسلسل لام شمسية، وظهورها بشكل مميز وتأديتها لشخصية زوجة الأب بكل دقة، حيث كانت تجسد شخصية “نيللي” وهي التي كانت تحرص طوال الوقت على الاهتمام بالطفل يوسف “ابن زوجها” وإبراز أن زوجة الأب ليس بالشخص الشرير.

وقالت النجمة أمينة خليل خلال لقائها بـ تليفزيون اليوم السابع: “مكانتش حاجة مفكرة فيها فكرة زوجة الأب، يمكن ده ظهر وأنا فعلا سمعته وقرأته بس مكنتش بفكر فيها، بالنسبالي “نيللي” هي أم وحنونة وحمولة، فهي هتبقي مدرسة ومربية وحنينة على أي طفل، وطبعًا علشان حبيت الطفل على أوي، فزاد أوي مشاعر الأمومة وده ظهر على الكاميرا، وأظهرنا الفرق بين الفروقات بين شخصية هبة ونيللي، وطول الوقت نيللي تقول إن ده ابني والناس تقول لا مش ابني، ومكانتش عاملة أى تفرقة بين يوسف وياسين، وحبها لزوجها طارق كانت بتتعامل إن ابنه هو ابنها”.

وأضافت النجمة أمينة خليل في حديثها قائلة: “اكتشتفت إن الواقعة التى حصلت مع يوسف هي أكبر وأقسى وأقوى حدث ممكن يحصل في أى عيلة بس هو اللى ظبط العيلة، خلي الأب يبقي أب والأم تبقي أم، وهو المراية اللى خلي نيللي تعرف مشكلتها، موقف مآساوي جدًا ولكنه نور كمية نور كبير في كل الشخصيات”.